ليوم طبيب الله يرحمو كان عمرو 53 سنة مات بالكوفيد وما لقاش بلاصة في الانعاش.
تصوروا شنوة بش يصير في المواطن البسيط...
الدكتور زكريا بوقرة ما تفعله الدولة في الشعب هو اجرام و مجزرة...الاشهر القادمة باش نوصلو ال300000 ميت و تو تتذكرو كلامي....
ليوم طبيب الله يرحمو كان عمرو 53 سنة مات بالكوفيد وما لقاش بلاصة في الانعاش.
تصوروا شنوة بش يصير في المواطن البسيط...
#دولة_فاشلة_وقاتلة
على الدولة و حكامها ان يتحملو مسؤوليتهم امام الشعب والتاريخ وان يعلنو بصفة رسمية انهم منحازون لصف الفيروس.
الي يسميو فيه تعايش هو في الأصل سياسة مناعة القطيع. هي سياسة اجرامية حاولت بعض البلدان كيما انغلتيرا ان تتبعها قبل التراجع عنها كي قوا علاهم الضرب (وتمس رئيس وزرائهم).
ما تفعله الدولة في الشعب هو اجرام وسيقودنا حتما وبدون اي شك الى مجزرة لن تستطيع تونس النهوض منها لعقود.
السؤال موش كان بش نعملو حجر صحي والى لا. السؤال وقتاش بش نعملوه. تونس وجميع دول العالم الي ما عرفتش تسيطر على الوباء مالموجة الاولى بش يجي نهار وتجبر على التسكير.
ريتو شنوة صار في أمريكا و البرازيل؟
في بالكم الي في الاكواتور الجثث ولات تتطيش في الشارع بالجمعة عشرة أيام لين جاو النسور تأكل فيها؟
هذا لواش؟
هاو شطر البلدان الي صار فيهم هكا اغنا منا بميتين مرة.
هذه نتيجة الغرور.
هذه نتيجة وهم التعايش.
لا الي يقولو عليه تعايش هو انتحار للبلاد.
الي يقولو عليه تعايش هو قتل عمد وابادة جماعية للشعب.
صحيح بش نعيشو ازمة اقتصادية وايام صعيبة تستنا فينا. أما الازمة الاقتصادية مالجيهتين. شعب مريض هو شعب لا ينتج و لا يستهلك. الازمة الاقتصادية متع الحجر الصحي ممكن حتى اخف من ازمة عدم القيام بيه. على خاطر بخلاف ال300000 ميت في بالكم نجمو نوصلو الى مليون تونسي من ذوي الاحتياجات الخاصة؟ الي مشلول مشلول والي ماعادش يتنفس من غير اكسيجان والي يولي عايش بالدياليز....
وقتها الازمة بش تقعد لعقود. والبلاد هذه ماعادش تقوملها قائمة.
اذا لتتحمل الدولة هذه مسؤوليتها وتعلن على الحجر الصحي اليوم قبل غدوة وتطمن شعبها أنها بش تاقف معاه في الازمة. كل نهار نخسروه مئات التوانسة اخرين بش نخصروهم من هوني لاخر الوباء. الى الان الدولة قد قتلت اكثر من 1000 تونسي ضحية سياسة التعايش.
ضمان حق المواطن في العيش هي أول مسؤوليات الدولة والا فانه لا معنا لها.
تعليقات
إرسال تعليق